Хөөмей – тывалар табиғатының дауысы: ән-жыр мен мәдени саясат үндесуі мүмкін бе?
Қаралымдар: 32 / PDF жүктеулері: 55
DOI:
https://doi.org/10.32523/2664-5157-2024-1-181-193Аннотация
Бұл рецензияда тыва халқының ауызша музыкалық дәстүрінде көрініс тапқан айрықша шығармашылық мұра қарастырылады. Онда рецензияланып отырған монографияның құрылымы туралы мәлімет беріліп, талданатын мәселелердің өзектілігі айқындалған және жойылып бара жатқан өнер түріне қатысты өзіндік көзқарас ұсынылған. Рецензияланатын кітапқа байланысты авторлық пікір тыва көмей жыры мен оны орындаушылардың өнерін жан-жақты талдау негізінде ашып көрсетіледі. Автордың алдына қойған мақсаттарды табысты игергендігі, бұл саладағы проблемаларды ой елегінен өткізгендігі және оларды шешу жолдарын ұсынғандығы атап өтіледі. Монография авторы зерделеген ауқымы мол дереккөздер мен зерттеу материалдары (492 бірлік) хөөмеологияның әртүрлі аспектілері
мен типологиясын айқындауға мүмкіндік берген. Жаһандану мен цифрландыру ғасырында бұл
ерекше құбылыс өзіне арнайы көзқарасты және мұқият күтімді қажет етеді. Рецензент кітап авторының этникалық мәдениетті түсіну үшін ауызша шығармашылықтың қызықты әрі мәнді қырына назар аударғандығына мән береді. Тывалар арасында жүргізілген, қауымдастық ішіндегі әртүрлі пікірлер мен көзқарастар туралы мағлұмат ұсынатын анкеталық сауалнама нәтижелерінің сипаттамасы келтіріледі. Бұл шолу көмей жырының орындаушылары – хөөмейшілер мәртебесінің тарихы мен бүгінгі жай-күйін, оларға тән мағыналық сипаттарды және қазіргі тывалардың этникалық сана-сезімін нақтылауға жәрдемін тигізеді.
Әдебиет
Бадыргы М.М., 2023. Тувинский хөөмей как объект культурной политики: исследование / М.М. Бадыргы; науч. ред. Е.К. Карелина. Киров: ООО “Кировская областная типография”. 232 с., ил.
Ламажаа Ч.К., 2021. Очерки современной тувинской культуры; Тув. гос. ун-т; Тув.ин-т гуманит. и прикладных социально-экономических исследований при Правительстве Республики Тыва. СПб.:Нестор-история. 192 с.
Садохин А.П., 2000. Этнология: учебник / А. П. Садохин, Т. Г.Грушевицкая. М.: Высш. Шк.: Academia. 302 с.
Сулейменова Э.Д., 2020. Языки Казахстана: социолингвистический справочник / Э. Сулейменова, Н. Шаймерденова, Д. Аканова. Отв. ред. Э. Сулейменова. Алматы: Издательство ТОО «Издательство Золотая книга», 2-е изд., дополненное и переработанное. 212 с.
Karelina E., 2018. The Problematic Aspects of Cultural Policy in Modern Tuva / Journal of Siberian Federal University. Humanities & Social Sciences 2 (11). Р. 218-226. DOI: 10.17516/1997-1370-0217 DOI: https://doi.org/10.17516/1997-1370-0217
