Авторлық құқық және лицензиялау
Turkic Studies Journal (TSJ) журналына қолжазба жіберген кезде авторлар:
- тек түпнұсқа жұмысты ұсынуға;
- автордың бұрын жарияланған зерттеулерінен немесе басқа зерттеушінің жұмысынан мәтіндік әйтпесе графикалық ақпарат алынған болса, тиісті жарияланымдарға сілтеме жасауға (сілтемесіз көшіріп алу плагиат болып саналады);
- қолжазбада тек шынайы фактілер мен мәліметтерді келтіруге, эмпирикалық деректердің растығын нақтылауға, материалдардың қолдан жасалуы мен әдейі бұрмалануына жол бермеуге;
- бір қолжазбаны бір мезгілде бірнеше ғылыми журналға ұсынбауға және жарияланымдардың қайталануына жол бермеуге;
- қолжазбаның тұжырымдамалануына және жоспарлануына, сондай-ақ нәтижелердің түсіндірілуі мен олардың қағаз бетіне түсуіне елеулі ғылыми үлесі бар тұлғаларды теңавторлыққа қосуға;
- алынған нәтижелерге әсері тиюі мүмкін мүдделер қайшылығының жоқ екендігін мәлімдеуге;
- зерттеу мақаланың жазылуына негіз болған ұйым немесе жоба тарапынан қаржыландырудың көзін көрсетуге;
- жарық көрген мақаласынан өрескел қателік тапқан жағдайда бұл жөнінде журнал редакциясына хабарлауға және түзетулер енгізу үшін барлық қажетті ақпаратты ұсынуға міндеттенеді.
Авторлар өздерінің авторлық құқығын сақтайды және журналға қолжазбаны алғаш жариялау құқығын береді. Бұл ретте барлық жарық көрген қолжазбаларға қатысты Creative Commons коммерциялық емес корпорациясының ресми сайтында орналастырылған және жұмыстың авторлығын көрсетіп, журналға сілтеме жасаған жағдайда басқа қолданушыларға материалды еркін көшіруге, таратуға және бейімдеуге мүмкіндік беретін Creative Commons Attribution-NonCommercial 4.0 International (CC BY-NC 4.0) лицензиясы қолданылады.
Авторлар журналға сілтеме жасай отырып, қолжазбаның жарияланған нұсқасын айрықша емес тарату (мысалы, оны репозиторийда орналастыру немесе кітапта жариялау) туралы қосымша келісім шарттарын жасай алады.
TSJ ашық қолжетімді басылым болып саналады. Журнал авторлардан рецензиялау, редакциялау, жариялау және жарық көрген мақаланы тарату үшін төлем алмайды.
